"Negreyra ishi" deb atalmish ish tobora kuchayib bormoqda. Kataloniya Oliy sudi "Barselona"ning amaldagi prezidenti Joan Laportaga qarshi ayblovlar qo‘yilganini e’lon qildi. U poraxo‘rlikda gumon qilinmoqda.

Avvalroq, "Barselona"ning sobiq prezidentlari Xosep Bartomeu va Sandro Rosel ham ayblangan edi. Shuningdek, Kataloniya klubining o‘zi ham ayblanuvchi maqomiga ega.

Negreyra ishi "Barselona" tomonidan hakamlar texnik qo‘mitasi sobiq vise-prezidenti Xose Negreyraga qilingan to‘lovlar bilan bog‘liq. Klubning ta’kidlashicha, ular yordam uchun emas, balki hakamlarning hisobotlari uchun pul to‘lagan.