Англиянинг «Манчестер Сити» клуби яримҳимоячиси Самир Насри ҳозирги жамоасидан кетишни режалаштирмоқда. Бу ҳақда «Goal.com» интернет нашри хабар тарқатди.
Манбанинг маълум қилишича, футболчига Манчестердаги ҳаёти ёқмаяпти. Унга Англиянинг шимолий-ғарбидаги иқлим ва яшаш тарзи маъқул бўлмаган.
Насри ҳозирда Лондонга қайтишни режа қилмоқда. Унинг 175 минг фунтлик ҳафталик маошини тўлай олиши мумкин бўлган ягона жамоа сифатида «Челси» кўрсатиб ўтилган.