Туриннинг “Ювентус” клуби собиқ ҳимоячиси Андреа Барзали футболчилик даврида уни ким илҳомлантиргани ва кимга тақлид қилишга ҳаракат қилгани ҳақида гапирди. Андреа футболчилик фаолиятини 2019 йилда якунлаган эди.
"Ўн етти ёшимда профессионал футболчига айландим, кейин эса ҳужумчиларни кўпроқ ёқтирардим. Хусусан, Марко ван Бастенга тақлид қилардим. Аммо вақт ўтиши билан менинг афзалликларим ўзгара бошлади, айниқса Италиядаги ҳимоя мактабимиз нуқтаи назаридан. Паоло Малдини эса менга доим Италиянинг асосий ҳимоячисидек туюларди", - дея "Ювентус"нинг собиқ футболчисининг сўзларини келтиради pianetamilan.it.
