Англия футбол ассоциацияси Гарет Саутгейт билан Евро-2024дан кейин хайрлашса, ҳозирданоқ режалар тузмоқда. "Уч шерлар" бошқарувига номзод сифатида "Нюкасл"дан Эдди Хау кўрсатилган, бироқ бу мутахассис таклиф чиқса, уни рад этиши ҳақида маълумотлар бор.
The Telegraph нашрининг ёзишича, номзодлар орасида “Ноттингем Форест”дан Стив Купер ва “Челси”нинг собиқ бош мураббийи Грем Поттер бор.
Эслатиб ўтамиз, ушбу ҳафтада Англия терма жамоаси Италияни 3:1 ҳисобида мағлуб этиб, Европа чемпионати йўлланмасини қўлга киритган эди. Турнир июнь-июль ойларида Германияда бўлиб ўтади.
