Миланнинг “Интер” клубининг колумбиялик ярим ҳимоячиси Хуан Куадрадо октябрь ойи охирида сафга қайтиши кутилмоқда. Куадрадо сентябрь ойи бошида Колумбия терма жамоаси учун ўйинда жароҳат олган эди.
Бироқ у “Интер”нинг кейинги икки ўйинида иштирок этмайди, Симоне Инзаги шогирдлари аввалига “Торино” билан чемпионатда, кейин эса Чемпионлар лигасида ўйнайди. Куадрадо бу учрашувларни ўтказиб юборади. Аммо келаси якшанба, 29 октабр куни “Рома” билан ўйинда у аллақачон майдонга тушиши керак, деб хабар беради fcinter1908.it.
"Интер" айни дамда А Серия турнир жадвалида иккинчи ўринни эгаллаб турибди.
