Сандро Тонали терговчиларга қимор ўйинларига қарамликдан азият чекаётганини тасдиқлади.
"Ньюкасл" ярим ҳимоячиси FIGC прокурорига қимор ўйинларига қарамлик ҳақида тиббий маълумотнома билан сўроққа келди, деб хабар беради La Gazzetta dello Sport нашри.
Манбага кўра, Тонали узоқ йиллардан бери ушбу "касаллик" билан курашиб келган. Эҳтимол, "Милан"га ўтишдан олдин футболчи 2017 йилдан 2021 йилгача ўйнаган "Брешия" ўйинларига ҳам пул тиккан бўлиши мумкин.
Италия терма жамоаси ярим ҳимоячиси келишилган ўйинларда гумонланмайди, чунки у ҳар доим фақат собиқ клубларининг ғалабасига пул тикади. Бундан ташқари, унинг Николо Фаджиоли каби букмекерлар ва кредиторлардан қарзи йўқ.
Олдинроқ Тонали ўзи иштирок этмаган "Милан" ўйинларига пул тикканини тан олганди.
Футболчи бир йилга дисквалификация қилиниши ва яна 6 ойлик муқобил жазо чоралари қўлланилиши мумкин, худди Фаджиоли мисолида, унинг 5 ойлик дисквалификацияси олти ойлик терапия билан алмаштирилган.
