Sandro Tonali tergovchilarga qimor o‘yinlariga qaramlikdan aziyat chekayotganini tasdiqladi.
"Nyukasl" yarim himoyachisi FIGC prokuroriga qimor o‘yinlariga qaramlik haqida tibbiy ma’lumotnoma bilan so‘roqqa keldi, deb xabar beradi La Gazzetta dello Sport nashri.
Manbaga ko‘ra, Tonali uzoq yillardan beri ushbu "kasallik" bilan kurashib kelgan. Ehtimol, "Milan"ga o‘tishdan oldin futbolchi 2017 yildan 2021 yilgacha o‘ynagan "Breshiya" o‘yinlariga ham pul tikkan bo‘lishi mumkin.
Italiya terma jamoasi yarim himoyachisi kelishilgan o‘yinlarda gumonlanmaydi, chunki u har doim faqat sobiq klublarining g‘alabasiga pul tikadi. Bundan tashqari, uning Nikolo Fadjioli kabi bukmekerlar va kreditorlardan qarzi yo‘q.
Oldinroq Tonali o‘zi ishtirok etmagan "Milan" o‘yinlariga pul tikkanini tan olgandi.
Futbolchi bir yilga diskvalifikasiya qilinishi va yana 6 oylik muqobil jazo choralari qo‘llanilishi mumkin, xuddi Fadjioli misolida, uning 5 oylik diskvalifikasiyasi olti oylik terapiya bilan almashtirilgan.
