"Милан" дарвозабони Марко Спортьелло жароҳат олди, дея хабар бермоқда Sky Sport Italia нашри.
Унинг чап болдир суягининг медиал қисми шикастлангани айтилмоқда. У 10 кундан ортиқ вақтни ўтказиб юборади. "Милан" Спортьеллодан ташқари, "Ювентус" билан А Сериянинг 9-тур учрашуви учун ушбу ўйин учун дисквалификация қилинган асосий дарвозабони Майк Меньянни ҳам йўқотди.
Шу тариқа, "Милан"нинг учинчи дарвозабони ҳисобланган 40 ёшли Антонио Миранте дарвозада турса керак. У жорий мавсумда бирорта ҳам ўйин ўтказмаган.
"Милан" - "Ювентус" ўйини 22 октябрь, якшанба куни бўлиб ўтади.
