Машҳур италиялик мутахассис Арриго Сакки "Реал" ярим ҳимоячиси Жуд Беллингемнинг ўйини ҳақида фикр билдирди.
"У ҳар доим жамоа учун ўйнайди. Фақат Месси ўз ёшида менда шундай таассурот қолдирди. Албатта, у Леодан фарқ қилади, лекин у шундай камтар бўлиб қолса, унинг қадамларини такрорлаши мумкин, чунки Беллингем - жаҳон даражасидаги футболчи", - деди италиялик собиқ мураббий Football Italia билан суҳбатда.
Эслатиб ўтамиз, Беллингем ўтган ёзда "Реал"га ўтганди. Барча турнирлар бўйича ўнта ўйинда 20 ёшли англиялик футболчи ўнта гол урди ва учта голли узатмани амалга оширди.
