"Реал Мадрид" матбуот хизмати ортда қолган сентябрь ойининг энг яхши футболчиси номини эълон қилди. Кетма-кет иккинчи марта ярим ҳимоячи Жуд Беллингем совринга эга бўлди.
Эслатиб ўтамиз, ўтган сентябрь ойида ёш инглиз футболчиси "Лос-Бланкос" таркибида бешта ўйинда майдонга тушиб, учта гол уришга муваффақ бўлганди. Умуман олганда, футболчи Мадриднинг топ-клубига ёзги трансферидан буён 10 та гол урди ва 3 та голли узатмани амалга оширди.
Аввалроқ Беллингем Евро-2024 саралаши доирасидаги Англия ва Италия ўртасидаги ўйинда энг яхши футболчига айланганди.