Мюнхеннинг “Бавария” клуби матбуот хизмати Исроил билан ҳарбий можарода Фаластинни қўллаб-қувватлаган ҳимоячи Нуссер Мазрауи борасида клуб раҳбариятининг қарорини эълон қилди.
“Бавария” футбол клуби, айниқса, қийин пайтларда футбол турли маданиятларни яраштиришга ҳисса қўшишини таъминлаш тарафдори. Нуссер жамоада қолмоқда, у жароҳати туфайли вақтинчалик майдонга тушмаяпти”, — дейилади немис грандининг расмий сайти.
Германия чемпионатининг жорий мавсумида Мазрауи олтита ўйинда майдонга тушиб, битта голли узатмани амалга оширди. 25 ёшли марокашлик ўтган ёзда Мюнхен клубига ўтган эди.
