Ярим ҳимоячи Сандро Тонали тергов остида. Тикиш қоидаларини бузгани учун италиялик ярим ҳимоячи узоқ муддатга дисквалификация қилиниши мумкин. "Ньюкасл" бош мураббийи Эдди Хау Тоналининг ҳолати ҳақида фикр билдирди.
“Тонали жуда яхши ҳаракат қилмоқда. У бу ҳафта икки марта биз билан машғулот ўтказди ва таркибда майдонга тушишга тайёр. Биз ўзимизни ўз футболчисини ҳимоя қиладиган ва уни қўллаб-қувватловчи клубдек ҳис қиляпмиз", - дея Хаунинг сўзларини келтирмоқда журналист Фабрицио Романо ижтимоий тармоқларда.
"Ньюкасл" навбатдаги ўйинини 21 октябрь куни ўз майдонида "Кристал Пэлас"га қарши ўтказади.
