Асосан "Манчестер Юнайтед"даги ўйинлари билан танилган ярим ҳимоячи Жесси Лингард тез орада янги клуби билан шартнома имзолаши мумкин. ESPN хабарига кўра, Саудия Арабистонининг “Ал-Иттифоқ” клуби 30 ёшли инглиз футболчиси билан яқин вақт ичида шартнома имзолашни режалаштирмоқда.
Эслатиб ўтамиз, Лингард яқинда “Ал-Иттифоқ” сафида ўртоқлик учрашувида майдонга тушган ва ҳатто гол уришга ҳам муваффақ бўлганди.
Жесси Лингард "Ноттингем Форест"ни тарк этганидан кейин ёздан бери эркин агент бўлиб келмоқда.
Айтиш жоизки, “Ал-Иттифоқ”нинг ҳозирги бош мураббийи таниқли инглиз собиқ футболчиси Стивен Жеррард ҳисобланади.
