Мадриднинг "Реал" клуби ярим ҳимоячиси Жуд Беллингем эртанги бўлиб ўтадиган "Севилья"га қарши ўйин ҳақида гапирди.
"Мадридлик мухлислар билан алоқам жуда ўзига хос, улар учун ўйнаш менга завқ бағишлайди. Уларнинг қўшиқларидан завқ оламан, улар менга катта куч бағишлайди. Балки шунинг учун ҳам мавсумни жуда яхши бошлагандирман. Мен буни жуда қадрлайман ва умид қиламанки, биз биргаликда яхши хотиралар яратишда давом этамиз.
"Реал Мадрид"га ўтиш - бу орзуим ушалди! Бу ерда бўлиш мен тасаввур қилганимдан ҳам яхшироқ. Машғулотлар ва ўйинлардаги ҳар бир дақиқадан завқланаман ва бундан кейин ҳам шундай бўлишига умид қиламан.
"Севилья"га қарши ўйин? Бу қийин ўйин бўлади, гарчи барча учрашувлар у ёки бу даражада қийин бўлса-да. Уларда жуда яхши ўйинчилар бор, шунинг учун биз мавсум бошидан бери ўйнагандек ўйнашимиз муҳим, шунда ҳаммаси яхши бўлади", - деди англиялик футболчи.
