"ПСЖ" клуибининг Швециялик ҳужумчиси Златан Иброҳимович Франция чемпионати ҳақида фикрлари билан ўртоқлашди ва бу мавсум 29 та гол уриш ниятида эканлигини билдирди.
"Франция чемпионатидаг қаттиқ рақобат бор. Нимагадир эришиш учун ҳар доим юқори спорт формасида бўлишинг шарт. "ПСЖ" Франция чемпионатининг янги савияга кўтарилишида муҳим вазифани бажаради, деб умид қиламан. Ўзимга келмак, ўз клубимга кўпроқ ғалаба қозонишда ёрдам беришга ҳаракат қиляпман. Мен қаерда ўйнасам совринларни ютиб келганман, Францияда ҳам шундай бўлади, деб умид қиламан. Охирги пайтларда ўйин борасида "ПСЖ" бирмунча қийинчиликларга дуч келди, аммо олдинда кўп ўйинлар турибди, шунинг учун қайғурмаслик керак. а Ютган вақтга қараганда ютқазганингда кўпроқ ўзингни таний бошлайсан. Биз сабоқ оляпмиз, деб ўйлайман.
Менинг ишим - голлар уриш. Бу мавсумни яхши бошладим ва ўз олдимга шунча гол ураман деб мақсад қўйишни хоҳламайман. Мен ҳар доим бу масумни ўтган мавсумдан кўра яхшироқ ўтказишни мақсад қиламан. Бу менинг мотивациям. Ўтган мавсумда "Милан" сафида 28 гол урган эдим, таббийки бу мавсум хотиржам бўлишим учун 29 та гол уришим керак", - дея Иброҳимовичнинг сўзларини келтиради "ПСЖ" расмий сайти.
Эслатиб ўтамиз, футболчи Франция чемпионатининг 19 туридан кейин 18 та гол билан тўпурарлар рўйхатини бошқариб келмоқда.