Қанот ҳимоячиси Жейдон Санчо бир ярим ойдан бери «Манчестер Юнайтед»нинг асосий жамоаси билан машғулот ўтказмаяпти – у Эрик тен Хаг билан можаро туфайли дисквалификация қилинган эди.
Қишки трансфер ойнаси вақтида Санчо клубини ўзгартириши мумкин.
Sky Sports хабарига кўра, футболчи Германия, Италия ёки Туркияга кўчиб ўтиши мумкин. Бу мамлакатлар клублари футболчини қисқа муддатли ижарага олиш имкониятини кўриб чиқмоқда.
Олдинроқ матбуотда Санчога «Ювентус» ва «Боруссия Дортмунд» жиддий қизиқиш билдираётгани ҳақида маълумотлар пайдо бўлганди.
