Жума куни кичик Криштиану Роналду 15 ёшгача бўлган тоифадаги "Ан-Наср" академияси жамоасида ўйнади. Тегишли суратлар Саудия клуби матбуот хизмати томонидан ижтимоий тармоқларда чоп этилди.
Айтиш жоизки, кичик Роналду еттинчи рақам остида ўйнади. Хабарингиз бор, юлдуз Криштиану деярли бутун фаолияти давомида бу рақамни кийиб келган.
Эслатиб ўтамиз, Криштиану Роналдунинг ўғли 13 ёшда.
Роналду йил бошидан буён “Ан-Наср”да ўйнамоқда. Саудия клуби сафида 30 та расмий ўйинда португалиялик футболчи 25 та гол урди ва шерикларига 8 та голли узатмани амалга оширди.
