"Ювентус" ва "Рома" клубларининг собиқ черногориялик футболчиси Мирко Вучинич ўзи яшаб келаётган Лечче шаҳрида қонун билан муаммога дуч келди. У солиқ декларациясида тахминан олти миллион еврони яширгани учун икки йиллик шартли қамоқ жазосига ҳукм қилинди.

Қоидабузарликлар унинг 2014 ва 2017 йиллар оралиғида, Вучинич Бирлашган Араб Амирликларининг "Ал-Жазира" сафида ўйнаган вақтида ишлаб топган пуллари билан боғлиқ.

У Черногория терма жамоаси Югославиядан ажралганидан кейин тарихидаги илк гол муаллифи ҳисобланади. Бу 2007 йилнинг март ойида Венгрия терма жамоасига қарши ўртоқлик учрашувида содир бўлганди.