Мадриднинг “Реал” клуби ярим ҳимоячиси Федерико Вальверде кимнинг кийиниш услубини ёқтирмаслиги ҳақида гапирди.
25 ёшли уругвайлик футболчининг сўзларига кўра, у таниган футболчиларнинг кўпчилиги яхши кийинишмайди, аммо ярим ҳимоячи барибир "энг ёмонини" ажратиб кўрсатишга муваффақ бўлди.
"Ким ёмон кийинади? Мен бу борада кўпчиликни кўрсатишим мумкин", деб жавоб беради Вальверде кулиб.
"Айтишим мумкинки, мен ҳеч қачон Давид Алаба каби кийинмаганман, лекин у майдонда зўр", - деди Федерико.
"Реал Мадрид" шанба куни Ла Лига доирасида "Севилья"га қарши ўйин ўтказади. Айни дамда “Лос-Бланкос” 9 турдан кейин 24 очко билан турнир жадвалида пешқадамлик қилмоқда.
