"Бавария" бош мураббийи Томас Тухель ўтган ёзда Мюнхенга кўчиб ўтган марокашлик Нуссер Мазрауи ва исроиллик Даниел Перецнинг ўз жамоасида қандай муносабатда бўлишлари ҳақида гапириб берди.
"Улар бир-бири билан қандай муносабатда бўлишади? Кийиниш хонамизда миллат ва динга қараб бўлиниш йўқ. Бу умумий мақсад сари тинч меҳнат қиладиган жой. Мен жамоага ва кийиниш хонасининг таъсирига катта ишонаман. Муайян вазиятларни биргаликда енгиб ўтишимиз мумкинлигини биламиз”, деди Тухель матбуот анжуманида.
Эслатиб ўтамиз, Мазрауи аввалроқ Фаластинни қўллаб-қувватлаган, шунинг учун ҳам Германияда уни танқид қилишган.
