Бугун оқшом Мерсисайд дербисида "Эвертон" "Ливерпул"га қарши навбатдаги мағлубиятга учради. Улар қанчалик ҳимояланишга ҳаракат қилишмасин, Шон Дайч шогирдлари ўз дарвозасидан жавобсиз иккита гол ўтказиб юборди.

Қизиғи шундаки, 2010 йилнинг 17 октябридан бери "Эвертон" барча турнирларда фақат бир марта дербида ғалаба қозонган. Бу 2021-йилнинг февралида содир бўлганди. Ўшанда "ирискалар" ўз майдонида "қизиллар"ни 2:0 ҳисобида мағлуб этганди. Қолган 28 учрашувда “Эвертон” 15 марта мағлуб бўлган ва 13 марта дуранг ўйнаган.