Суперлиганнинг 22-туридан ўрин олган “Олимпик” – “Бунёдкор” (1:1) учрашувидан сўнг мезбонлар бош мураббийи Тимур Кападзе ўз фикрларини билдириб ўтди.

“Бунёдкор”ни яхши ўрганиб чиқдик. Биринчи бўлимда футболчилар яхши ҳаракат қилишди. Бунда қизил карточка қўл келди, дейиш мумкин. Афсуски, вазиятларимизни голга айлантира олмадик. “Қалдирғочлар” эса 10 киши бўлиб ҳам ирода кўрсатишди. Бугун ғалабани қўлдан чиқардик, йигитлар ёшлик қилишди. 1:0 қалтис ҳисоб саналади. Вазиятни бу даражагача олиб келмаслигимиз керак эди. Аммо, бу футбол ва у шуниси билан қизиқ.

Чарчоқ аломатлари бор, бироқ футболчилар яхши ўйин кўрсатишди. Имкониятларни голга айлантирганимизда, вазият бошқача бўлар эди. Барчаси ўз қўлимизда эди.

Фақатгина ФИФА кунларида йиғин ўтказяпмиз. Тўғри, Осиё ўйинлари бундан мустасно бўлди. Аммо ушбу турнирда яхши тажриба олдик. Ноябрда фойдаланмаймиз. Ассоциация ҳамда Лига билан келишган ҳолда тайёргарлик режасини тузиб чиқамиз” – деди Кападзе.