"Атлетико" ҳужумчиси Антуан Гризманн "Сельта"га қарши ўйинда хет-трик қайд этди.
Франциялик футболчи ўйиннинг 29 (пенальти), 64 ва 70-дақиқаларида гол уриб, якуний ҳисобни ўрнатди - 3:0. Бундан ташқари, Opta қайд этганидек, Гризманнинг бугунги ўйиндаги иккинчи голи унинг Ла Лигадаги 180-голи бўлди - 21 аср бошидан бери бешинчи натижа. 32 ёшли футболчи рейтингда яқин ўтмишда худди шу "Атлетико Мадрид" ва "Барселона"да тўп тепган юлдуз Луис Суаресни ортда қолдирди.
Ҳозирда Антуан Гризманн Испания чемпионатида 468 ўйинда 181 та гол урган. Аввалроқ франциялик футболчи “Барселона” ва “Реал Сосьедад” шарафини ҳам ҳимоя қилган.