Футзал бўйича Ўзбекистон чемпионати 1-босқич 3-тур учрашувлари якунига етди.

Турнинг якунловчи ўйин куни чемпионат етакчилари – «Ардус» ва «Локомотив» ўртасидаги мусобақанинг марказий учрашуви бўлиб ўтди. Ўйин билдирилган барча ишончларни оқлаб, жуда шиддалти ва кескин курашлар остида ўтди. Унда «Ардус» ўйинчилари кучлироқ чиқишди.

Дилшод Раҳматовнинг дубли ва Жамолиддин Шариповнинг голи амалдаги чемпионга мусобақа жадвалида якка пешқадам бўлиб олиш имконини берди. Ўйин 3:2 ҳисобида якунига етди. Қайд этиш жоиз, «темирйўлчилар»нинг голлари Хуршид Умаралиев ва Константин Свиридов ҳисобига ёзилди.

Эслатиб ўтамиз, футзал бўйича Ўзбекистон чемпионати навбатдаги тур учрашувлари январь ойи охирида бўлиб ўтади. Унинг ўйин кунлари тўғрисида Ўзбекистон футзал уюшмаси яқин кунлар ичида батафсил маълумот беради.

Ўзбекистон чемпионати-2012, 1-босқич, 3-тур
5-ўйин куни учрашувлари
21 декабрь, жума
НАФИС – СТРОИТЕЛЬ-З 9:5 (3:1)
ГОЛЛАР: Фаррух Эргашев (9, 30, 38), Дилшод Ҳайдарқулов (24, 33), Хуршид Бобоқулов (32, 34), Ойбек Бурҳонов (37), Фирдавс Абдусалимов (40) – Шерзод Бахриддинов (10, 11), Умид Баратов (11), Зайниддин Комилов (36), Азиз Аҳтамов (37).

ГУЛИСТОН – ПАХТАКОР 4:4 (2:2)
ГОЛЛАР: Адхам Аъзамов (14), Жаббор Кулиев (18), Дадахон Давлатов (28, 39) – Александр Картаузов (12), Зуҳриддин Зиёмуҳамедов (19, 34), Евгений Холмуҳамедов (40).

КОГОН – ТУРОН-С 2:2 (1:2)
ГОЛЛАР: Соли Умаров (6) Фарҳод Ашуров (29) – Мухтор Абдукаримов (8), Собит Зокиров (16).

БУНЁДКОР – МАКСАМ-ЧИРЧИҚ 1:1 (0:1)
ГОЛЛАР: Бахтиёр Умаров (36) – Умид Холматов (16).

АРДУС – ЛОКОМОТИВ 3:2 (3:1)
ГОЛЛАР: Дилшод Раҳматов (8, 12), Жамолиддин Шарипов (16) – Хуршид Умаралиев (6), Константин Свиридов (40).