"Селтик" мухлислари Шотландия чемпионатининг "Хартс" жамоасига қарши ўйинда Фаластинни қўллаб-қувватлаш учун акция уюштиришди.
"Хартс"га қарши Шотландия чемпионатининг 9-тури бошланишидан олдин "Селтик" мухлислари Фаластин байроқларини бошлари узра кўтаришди. Сафар ўйинига "Селтик"нинг 570 га яқин мухлислари ташриф буюргани хабар қилинди.
Бундан ташқари, Daily Record таъкидлаганидек, мухлислар чоршанба куни "Атлетико Мадрид"га қарши Чемпионлар лигаси уй ўйинида ҳам худди шундай акция ўтказишни режалаштиришмоқда. Бунга аввалроқ 2012 йилдан бери Фаластинни қўллаб-қувватлаб келаётган “Green Brigade” (Яшил бригада) мухлислар гуруҳи чақирган эди.
