Александр Головин узоқдан самарали зарба бериш бўйича топ-5 лигалар етакчисига айланди.

Бугун “Монако” ярим ҳимоячиси “Мец” билан ўйинда (2:1) дубль қайд этди. У аввалига жарима майдончаси ташқарисидан гол урган бўлса, кейин жарима зарбаси орқали гол урди.

Россиялик футболчи сўнгги икки мавсумда узоқдан зарбалар билан 6 та гол урган. Европанинг бешта етакчи лигасида у бу кўрсаткич бўйича ҳаммадан ўзиб кетди.

Головиндан кейин 5 тадан гол билан Федерико Вальверде ("Реал") ва Тён Копмейнерс ("Аталанта") бормоқда.