Англия чемпиони “Манчестер Сити” “Бавария” ярим ҳимоячиси Жамол Мусиаланинг трансферини якунлаш учун жиддий ҳаракат қилмоқчи. Football Insider хабарига кўра, "Сити" келишувга эришиш учун имконият қидирмоқда.
"Манчестер Сити" Мусиалани сотиб олмоқчи бўлган ягона клуб эмас. "Ливерпуль" ҳам Жамолни қўлга киритиш имкониятини кўриб чиқмоқда, унинг мураббийи Юрген Клопп немиснинг фазилатларига қойил қолган.
Мусиала яқинда "Бавария" билан янги шартнома бўйича музокараларни тўхтатди. Ярим ҳимоячининг мюнхенликлар билан шартномаси 2026 йилнинг ёзида якунига етади.
