Англиянинг "Борнмут" клуби мавсум бошланишидан олдин жамоа бошқарувига тайинланган бош мураббийи Андони Ираолани истеъфога чиқаришга тайёр. Mail Sport хабарига кўра, "гилослар" раҳбарияти қониқарсиз натижалар туфайли ўз мураббийи билан хайрлашмоқчи.

Мумкин бўлган четлатиш сабаби - "Борнмут"нинг чемпионатдаги ёмон ўйини. Жамоа айни дамда Англия Премьер-лигасида сўнгги ўринни эгаллаб турибди. "Борнмут" - бу мавсумда ҳали бирорта ҳам ғалаба қозонмаган Премьер-лиганинг иккита клубидан бири. Тўққиз турда жамоа олти марта мағлубият аламини тотиб кўрди ва уч марта дуранг ўйнади.