"Реал" бош мураббийи Жозе Моуриньонинг ёрдамчиси Силвину Лоуру мавсум тугагач, "қаймоқранглилар" устози жамоани тарк этмаслигини маълум қилди, дея хабар беради испан матбуоти.
Эслатиб ўтамиз, Лоуру номи Моуриньо ва Marca газетаси мухбири Антон Меана билан бўлиб ўтган жанжалли воқеа билан ҳам маълум. "Реал" мураббийлари Меанани куракда турмайдиган сўзлар билан ҳақорат қилиб ташлаган эдилар. Маенанинг айби, гўёки жамоа футболчилари Лоурунинг олдида очиқ гапирмасликларини, сабаби, уни Моуриньонинг шпиони деб билишлари ҳақида хабар тарқатганлигида эди.
"Мен ва Моуриньо "Реал"ни тарк этмоқчимасмиз, бизнинг 2016 йилгача тузилган шартномамиз бор. Жамоага келсак, у диққатини жамлаб, малакат кубоги ва Чемпионлар лигасида иштирокини давом эттиравериши керак. Миллий биринчилик ҳақида гапириш қандайдир қийин, аммо биз бу мавсум нимадир ютишимиз керак", - дейди Лоуру.
