"Севилья" "Манчестер Юнайтед" ярим ҳимоячиси Ганнибал Межбрини сотиб олмоқчи.
Испания клуби ёзда ҳам тунислик футболчига давогарлар қаторида эди, аммо "қизил иблислар" асосий жамоада доимий ўринга эга бўлмаган ярим ҳимоячини қўйиб юборишмаган. Manchester Evening News инсайдер Фабрицио Романога таяниб хабар беришича, "Севилья" яна 20 ёшли футболчини ўз сафига қўшиб олмоқчи. Бироқ “Манчестер Юнайтед” шартномаси мавсум охирида тугайдиган ёш футболчининг истиқболини юқори баҳолайди. Улар унга янги узоқ муддатли шартнома таклиф қилишмоқчи.
Ганнибал Межбри ушбу мавсумда бешта ўйинда майдонга тушиб, битта гол урди.
