"Sevilya" "Manchester Yunayted" yarim himoyachisi Gannibal Mejbrini sotib olmoqchi.
Ispaniya klubi yozda ham tunislik futbolchiga davogarlar qatorida edi, ammo "qizil iblislar" asosiy jamoada doimiy o‘ringa ega bo‘lmagan yarim himoyachini qo‘yib yuborishmagan. Manchester Evening News insayder Fabrisio Romanoga tayanib xabar berishicha, "Sevilya" yana 20 yoshli futbolchini o‘z safiga qo‘shib olmoqchi. Biroq “Manchester Yunayted” shartnomasi mavsum oxirida tugaydigan yosh futbolchining istiqbolini yuqori baholaydi. Ular unga yangi uzoq muddatli shartnoma taklif qilishmoqchi.
Gannibal Mejbri ushbu mavsumda beshta o‘yinda maydonga tushib, bitta gol urdi.













