Каталониянинг "Барселона" клуби ярим ҳимоячиси Педри Испания чемпионатининг навбатдаги тури марказий ўйинида майдонга қайтиш умидини ҳали ҳам узгани йўқ. Эслатиб ўтамиз, "Барселона" келаси дам олиш кунлари ўз уйида "Реал"ни қабул қилади.
Журналист Хави Мигелнинг фикрича, ярим ҳимоячи аниқ майдонга тушмаслиги ҳақидаги сўнгги миш-мишларга қарамай, Педрининг "Қироллик клуби" билан ўйинда иштирок этиши ҳамон мумкин бўлиб қолмоқда. "Барселона" тиббий штаби "Реал"га қарши ўйинда Педрининг майдонга тушиши учун барча имкониятларни ишга солмоқда.
Эслатиб ўтамиз, Педри мавсум бошида жароҳат олган эди, шу сабабли у анча вақтни ўтказиб юборди.
