"Барселона" бош мураббийи Хави "Шахтёр"нинг айрим вакиллари ҳақида гапирди. Чоршанба куни жамоалар Чемпионлар лигаси гуруҳ босқичининг 3-турида тўқнаш келишади.
Хабарингиз бор, Дарио Срна яқинда “Шахтёр” бош мураббийи вазифасини бажарувчи бўлди.
"Ҳозир уларни Дарио Срна бошқармоқда. Бу афсона. Мен уни биламан. Мен уни ҳурмат қиламан", - деди Хави журналистларга.
Хави, шунингдек, бир вақтлар "Барселона"да ўйнаган "кончилар" ҳимоячиси Дмитрий Чигринский ҳақида ҳам бир неча сўз айтди.
"Чигринский? У учун қийин давр бўлди, лекин у ҳақида ажойиб хотираларим бор", - дейди Хави.
