"Манчестер Юнайтед" ҳужумчиси Расмус Хёйлунн бўлажак дербидан умидлари билан ўртоқлашди.
Сешанба куни "қизил иблислар" Чемпионлар лигасида "Копенгаген"ни мағлуб этишди (1:0), якшанба куни эса АПЛ доирасида "Манчестер Сити"ни қабул қилишади.
"Мен бу ўйинни интиқлик билан кутяпман. Умид қиламанки, кетма-кет тўртинчи ғалабани қўлга киритамиз. Бу ақл бовар қилмайдиган синов бўлади, чунки "Манчестер Сити" юқори даражадаги рақиб, бу жамоада ажойиб ўйинчилар бор. Бизни ўзгача нарса кутмоқда" - деди даниялик форвард United Stand билан суҳбатда.
"Манчестер Юнайтед" АПЛ турнир жадвалида саккизинчи ўринда - Эрик тен Хаг шогирдлари тўққиз турдан кейин 15 очко тўплаган. “Манчестер Сити” 21 очко билан иккинчи ўринда.
