"Арсенал" бош мураббийи Микель Артета Чемпионлар лигасида "Севилья" устидан қозонилган ғалаба (2:1) ҳақида фикр билдирди.
“Канонирлар” Габриэль Мартинеллининг голи эвазига танаффус олдидан олдинга чиқиб олишди ва иккинчи бўлим бошида Габриэль Жезус гол уриб, ҳисобдаги фарқни оширди. Орадан атиги 5 дақиқа ўтиб, “Севилья” битта гол киритди, аммо меҳмонлар ғалабали натижани сақлаб қолишга муваффақ бўлишди.
"Бу ерда ғалаба қозониш жуда ёқимли – сўнгги ўн йил ичида кўпчилик буни қилмаган. Ўйинимиз менга жуда ёқди, айниқса, дастлабки 60-65 дақиқада – биз ўзимиз хоҳлагандек ҳаракат қилдик. Бизда учинчи голни уриш учун имкониятлар бўлди, аммо имкониятларимиздан фойдалана олмадик", - деди Артета BBC билан суҳбатда.
