"Arsenal" bosh murabbiyi Mikel Arteta Chempionlar ligasida "Sevilya" ustidan qozonilgan g‘alaba (2:1) haqida fikr bildirdi.

“Kanonirlar” Gabriel Martinellining goli evaziga tanaffus oldidan oldinga chiqib olishdi va ikkinchi bo‘lim boshida Gabriel Jezus gol urib, hisobdagi farqni oshirdi. Oradan atigi 5 daqiqa o‘tib, “Sevilya” bitta gol kiritdi, ammo mehmonlar g‘alabali natijani saqlab qolishga muvaffaq bo‘lishdi.

"Bu yerda g‘alaba qozonish juda yoqimli – so‘nggi o‘n yil ichida ko‘pchilik buni qilmagan. O‘yinimiz menga juda yoqdi, ayniqsa, dastlabki 60-65 daqiqada – biz o‘zimiz xohlagandek harakat qildik. Bizda uchinchi golni urish uchun imkoniyatlar bo‘ldi, ammo imkoniyatlarimizdan foydalana olmadik", - dedi Arteta BBC bilan suhbatda.