Sky Sports мухбири Флориан Плеттенбергнинг хабар беришича, "Ювентус" "Манчестер Юнайтед"нинг ҳужумкор ярим ҳимоячиси Жейдон Санчони ижарага олиши мумкин.
"Санчо қишда футболга қайтишни режалаштирмоқда ва "Манчестер Юнайтед"ни тарк этмоқчи. Катта эҳтимол билан Жейдон бошқа инглиз клубига ўтгандан кўра мамлакатни тарк этади. Ҳозирда "Барселона" ва Дортмунднинг "Боруссия" клубларига ўтиш мумкин эмас. “Ювентус” футболчини ижарага олмоқчи эканлиги тасдиқланди" - деб пост қолдирди Плеттенберг Х (собиқ Твиттер) ижтимоий тармоқдаги саҳифасида.
Олдинроқ Санчо тен Хагдан узр сўрашдан бош тортгани учун асосий жамоа билан машғулотлардан четлаштирилгани ҳақида хабар берилганди – футболчи АПЛнинг 4-тури учун қайдномага киритмаганини изоҳлаб, ижтимоий тармоқларда мураббийни ёлғон гапиришда очиқчасига айблади.
