"Галатасарой" бош мураббийи Окан Бурук жамоасининг Чемпионлар лигаси доирасида "Бавария"га қарши ўйиндаги мағлубияти ҳақида фикр билдирди.
“Бавария” иккинчи бўлимда фаолроқ эди. Биринчи бўлимда биз яхшироқ кўриндик, мухлисларимиз қўллаб-қувватлаган ҳолда ўйнадик. Режамиз иш берди, аммо иккинчи гол туфайли биз ютқаздик", - деди Бурук УЕФА расмий сайтига.
24 октябрь куни Чемпионлар лигаси "А" гуруҳи 3-тур учрашуви якунига етди, унда Туркиянинг “Галатасарой” ҳамда Германиянинг “Бавария” клублари тўқнаш келишди. Жамоалар Истанбулдаги (Туркия) "Рамс Парк" стадионида ўйнашди. "Бавария" "Галатасарой"ни 3:1 ҳисобида мағлуб этди.
Ушбу ўйин натижасига кўра, "Бавария" 2023/2024 йилги мавсум учун Чемпионлар лигаси "А" гуруҳи турнир жадвалида биринчи ўринни эгаллашда давом этмоқда. Жамоа учта ўйинда тўққиз очко тўплади. “Галатасарой” тўрт очко билан иккинчи ўринда бормоқда.
