Родриго Чемпионлар лигасида "Реал" учун голлар сони бўйича 5-ўринга кўтарилиб олди.
Чемпионлар лигаси гуруҳ босқичи 3-туридан ўрин олган "Брага"га қарши ўйинда Мадрид клуби вингери 16-дақиқадаёқ турнирдаги 16-голини киритиб, ҳисобни очди.
Родриго "Реал Мадрид"нинг Чемпионлар лигасидаги энг яхши тўпурарлари рўйхатида 5-ўринга кўтарилиб, "Лос-Бланкос"нинг турнирдаги ўйинлари тарихидаги энг муваффақиятли бразилиялик бўлган Винисиус Жуниор ва Роберто Карлосга етиб олди.
Бунинг учун унга 42 та ўйин керак бўлган – эътибор беринг, Карлос Чемпионлар лигасида 107 та ўйин ўтказган, Винисиус эса турнирда 47 та ўйинда шунча гол урган.
Чемпионлар лигасида “Реал” сафида фақатгина Криштиану Роналду (105), Карим Бензема (78), Рауль (66) ва Фернандо Морьентес (17) кўпроқ гол урган.