Билбаонинг "Атлетик" клуби ҳужумчиси Нико Уильямсга Англия премьер-лигасининг тўртта клуби қизиқиш билдирмоқда. 90min маълумотларига кўра, испаниялик футболчи "Тоттенхэм", "Арсенал", "Ливерпуль" ва "Астон Вилла" каби жамоаларнинг радарида.
Эслатиб ўтамиз, 21 ёшли Уильямс ҳозирда Бильбаонинг “Атлетик” клуби билан шартномасини узайтиришга жуда яқин турибди. Шу билан бирга, янги келишув 50 миллион евро миқдоридаги товон пулини ҳам ўз ичига олади.
Аввалроқ, Уильямсга "Барселона" ҳам қизиқаётган эди. Жорий мавсумда Нико Испания чемпионатида 7 та ўйин ўтказиб, 4 та голли узатмани амалга оширди.
