Бугун ЎФФ Терма жамоалар маркази раҳбари Асқар Толибжонов ўз ҳузурига Ўзбекистоннинг барча терма жамоалари бош мураббийларини чорлади. Бўлиб ўтган йиғилиш чоғида улар билан янги 1 йиллик шартнома имзоланди. Шунингдек, китоб шаклида чоп этилган терма жамоаларнинг 2013 йилдаги иш режасига уларга тақдим қилинди.
ЎФФ расмий Твиттерининг хабар беришича, янги меҳнат шартномасининг шартлари аввалгисига қараганда яхшиланган.
Йиғилишда Ўзбекистон U16 (Темур Алимхўжаев), U17 (Дилшод Нуралиев), U20 (Аҳмаджон Мусаев), қизлар U17 (Гулнора Аъзамова), футзал бўйича аёллар терма жамоаси (Аваз Максумов), пляж футболи (Аҳаджон Юсупов), ногирон-ампутантлар (Мавзурхўжа Умархўжаев) терма жамоалари бош мураббийлари, шунингдек, мураббийлар Шуҳрат Мақсудов ва Александр Мочинов иштирок этишди.
Мураббийлар билан шартнома имзолаб бўлингач, Терма жамоалар маркази директори мураббийларнинг ҳар бири билан алоҳида суҳбатлашди.