Ферран Торрес Чемпионлар лигасида "Барселона" сафида бешинчи голини урди.

Каталония клуби Чемпионлар лигаси гуруҳ босқичи 3-турида “Шахтёр”ни мағлуб этди (2:1). Учрашувнинг 28-дақиқасида Торрес ҳисобни очди.

23 ёшли футболчи ушбу турнирда "Барса" сафидаги 8-ўйинини ўтказди ва 5 та гол урди. "Блауграна" тарихида бу кўрсаткичга тезроқ эришган ягона испаниялик Луис Энрике эди - у 7 учрашувда 5 та гол урган.

Ферран учун бу гол жорий мавсумдаги барча мусобақалардаги 5-гол бўлди. У "Барса"нинг энг яхши тўпурарлари рўйхатида Роберт Левандовскидан бир гол ортда қолиб, 2-ўринни эгаллаб турибди.