«Боруссия» бош мураббийи Эдин Терзич Чемпионлар лигаси гуруҳ босқичи 3-тури доирасидаги «Ньюкасл» устидан қозонилган ғалаба (1:0) ҳақида фикр билдирди.
«Биз биринчи бўлимни ажойиб ўтказдик ва бундай ўйин билан ғалаба қозонишга ҳақли эдик. Танаффусдан кейин улар тўпни ушлаб туриш учун ўйнашди.
Биз кўп куч сарфладик, катта иштиёқ билан ўйнадик ва уйга ғалаба билан қайтиш учун боримизни бердик.
Марсель Забитцер тўп билан ақл бовар қилмас ҳаракатларни амалга оширади. Унинг жароҳати борлигига ҳам ишонмайсиз.
Биз «Ньюкасл»нинг ўйин услубини ўрганиб чиқдик ва тўпни ўзимизда ушлаб туришини хоҳладик», - дея Терзичнинг сўзларидан иқтибос келтиради УЕФА матбуот хизмати.
