Грециялик ҳимоячи Сократис Папастатопулос тез орада Испаниянинг «Бетис» клуби футболчисига айланади.
Таниқли журналист Фабрицио Романо хабарига кўра, «яшил-оқлар» эркин агент бўлган марказий ҳимоячи билан келишувга эришган.
Хабар қилинишича, янги клубида тиббий кўрик пайшанба кунига белгиланган ва шартнома 2024 йилнинг июнига қадар амал қилади.
«Арсенал» ва Дортмунднинг «Боруссия» клублари собиқ футболчиси таклифни қабул қилди ва энди келишув якунланишини кутмоқда.
35 ёшли футболчининг фаолиятидаги сўнгги клуби «Олимпиакос» эди.