Бельгиянинг «Антверпен» клуби бош мураббийи Марк ван Боммель УЕФА Чемпионлар лигаси гуруҳ босқичи 3-турида «Порту»дан учралган йирик ҳисобдаги мағлубият (1:4) ҳақида фикр билдирди.

«Бу Чемпионлар Лигаси даражаси. Агар хатога йўл қўйсангиз, дарҳол бунинг учун жазоланасиз. «Антверпен» ҳамон бу даражадан ортда қолмоқда, аммо бунинг ҳеч қандай ёмон жойи йўқ. «Порту» жуда кучли рақиб.

Олдимизда жуда қийин вазифа турганини тушундик», - дея мутаҳассиснинг сўзларини келтиради УЕФА матбуот хизмати.

Уч турдан кейин «Антверпен» бирорта ҳам очко тўплай олмади ва «H» гуруҳида сўнгги ўринда бормоқда. «Порту» олти очко билан иккинчи ўринда.