"Манчестер Сити" ҳужумчиси Эрлинг Холанд Чемпионлар лигаси доирасида "Янг Бойз"га қарши ўйинда (3:1) дубл қайд этди.
Норвегиялик форвард фаолияти давомида Чемпионлар лигасининг 33 та учрашувида 37 та гол урган.
Бу кўрсаткич бўйича Холанд турнир тарихида Эдинсон Кавани (35 гол) ва Ференц Пушкашни (36) ортда қолдириб, 20-ўринга кўтарилди.
Топ-ўнталикка кириш учун Холанд Чемпионлар лигасида 48 та гол уриши керак. Чемпионлар лигаси тарихида голлар сони бўйича етакчи бўлиб 140 та гол урган Криштиану Роналду бўлиб турибди.