"Manchester Siti" hujumchisi Erling Xoland Chempionlar ligasi doirasida "Yang Boyz"ga qarshi o‘yinda (3:1) dubl qayd etdi.
Norvegiyalik forvard faoliyati davomida Chempionlar ligasining 33 ta uchrashuvida 37 ta gol urgan.
Bu ko‘rsatkich bo‘yicha Xoland turnir tarixida Edinson Kavani (35 gol) va Ferens Pushkashni (36) ortda qoldirib, 20-o‘ringa ko‘tarildi.
Top-o‘ntalikka kirish uchun Xoland Chempionlar ligasida 48 ta gol urishi kerak. Chempionlar ligasi tarixida gollar soni bo‘yicha yetakchi bo‘lib 140 ta gol urgan Krishtianu Ronaldu bo‘lib turibdi.