Тони Крооснинг фикрича, "Реал" ва "Барселона" ўртасидаги учрашув Ла Лига чемпионини аниқламайди.
Ла Лиганинг 11-туридан ўрин олган "Барселона" - "Реал" учрашуви 28 октябрь куни бўлиб ўтади ва Тошкент вақти билан соат 19:15да бошланади. Анчелотти шогирдлари турнир жадвалида пешқадамлик қилмоқда, каталонияликлар эса улардан бир очкога ортда қолишмоқда.
"Бу ўйин натижаси Ла Лига чемпионлиги учун кураш тақдирини ҳал қилишини айтишимни хоҳлайсизми? Йўқ. Бу ўйин жадвалдаги ўрин учун муҳим, аммо бу ўйин ўз-ўзидан муҳим.
Биз ғалаба учун борамиз. Ғалаба қозонсак "Барселона"дан 4 очко илгарилаб кетамиз. Лекин бу ҳеч нарсани англатмайди. Агар ютқазсак, улардан икки очко ортда қоламиз, бу ҳам ҳеч нарсани англатмайди.
Аммо биз ғалаба қозонишни хоҳлаётганимиз аниқ. "Класико" - бу "класико" - деди "Реал" ярим ҳимоячиси Кроос Einfach mal luppen билан суҳбатда.
