Аргентина терма жамоаси дарвозабони Эмилиано Мартинес ўтган йили Аргентина терма жамоаси сафида жаҳон чемпиони бўлганди, ҳозир эса у бунданда каттароқ амбицияларга эга. У журналистларга унинг ҳозирги клуби "Астон Вилла" катта турнир - Англия чемпионати ёки Чемпионлар лигасида ғалаба қозонишга қодир эканлигини тасдиқлади.
"Биринчи интервьюларимда ҳам мен "Астон Вилла"нинг Англия чемпионати ёки Чемпионлар лигасида ғалаба қозонишига ишончим комил эканлигини айтгандим. Мен ҳамон бу фикрда қоламан. Мен "Астон Вилла"ни Премьер-лига ёки Чемпионлар лигасида ғалаба қозонганимдан кейингина тарк этаман", - деди аргентиналик посбон.
Эслатиб ўтамиз, «Астон Вилла» тарихида Чемпионлар кубогида ғалаба қозонилган – 1982 йилда жамоа финалда «Бавария»ни мағлуб этганди.
