«Барселона»нинг собиқ ҳимоячиси Жерар Пикенинг фикрича, ўтмишда «Барселона»да ўйнаган ва ҳозирда клубнинг иккинчи жамоасига мураббийлик қилаётган Рафа Маркес асосий жамоа бош мураббийлигига муносиб.
"У, албатта, тайёр. У ҳозирда малакали, билимли, тажрибали. Ишончим комилки, келажакда уни Ла Лига жамоаси бошқарувида кўрамиз. Бу «Барселона» бўладими ёки йўқми, айта олмайман, лекин у албатта юқори лигада бўлади", - дея Пикенинг сўзларидан иқтибос келтиради Италиянинг ITASportPress агентлиги.
Эслатиб ўтамиз, Пике 2008 йилдан 2022 йилгача Каталония суперклубида ўйнаган.